Um svipað leyti og Rúrí yfirgaf Myndlistaskólann vakti hún athygli fyrir gjörninga sína. Einn þeirra gjörninga var Mercedes Bens bifreið sem búið var að gylla og stóð á Lækjartorgi. Þrátt fyrir að bifreiðin hafi kostað hana aleiguna réðst Rúrí til atlögu við hana með sleggju, braut hana og bramlaði Bergþóra Njála Guðmundsdóttir (2006). Annar gjörningur sem hún flutti á 1. desemberfagnaði háskólastúdenta í Háskólabíói sama ár, vakti mikla eftirtekt. Rúrí klæddist þá upphlut, svunta og skyrta voru í bandarísku fánalitunum og í stað stokkabeltisins lá gyllt skothylkjabelti að hætti hermanna um mitti hennar. Annað hefðbundið skart búningsins, borðar, millur og skúfhólkur var gert úr smámynt og plastglingri og í hrópandi andstöðu við svört klæðin sem það prýddi.
Rúrí er þekkt fyrir útilistaverk sín eins og Regnbogann við flugstöðina í Keflavík og Fyssu í Grasagarðinum í Reykjavík, einnig innsetningar eins og Glerregn sem sýnt var vorið 2001 í Listasafni Íslands og Paradís? – hvenær?  Sem sýnd var á Kjarvalsstöðum 1998. Listaverk hennar hafa verið sýnd á alþjóðlegum vettvangi, m.a. víða í Evrópu, í Ameríku og Asíu. Hún var fulltrúi Íslands á Feneyjatvíæringnum 2003 þar sem verk hennar Archive-Endagered waters um íslenska fossa vakti mikla athygli og hlaut umfjöllun á alþjóðlegum vettvangi.  Eyjabakkagjörningur árið 1999 er einnig vel þekktur, þar sem fjöldi listamanna tók þátt með Rúrí sem tók hugmyndalegan þátt í átökum nútímans. Margir komu þarna upp á hálendi og báru steina með orðum þjóðsöngsins. En á þessum tíma hafði verið mótmæli heilan vetur utan við Alþingishúsið en lítil umfjöllun um þau í fjölmiðlum, þarna var almenningur farin að missa vonina um hvort hægt væri að hafa áhrif á hvernig væri verið að koma fram við landið okkar og hvort þau hefðu í raun rödd. Gjörningurinn hafði áhrif eins og lykill í skráargat þar sem almenningur fékk innblástur og urðu dagleg mótmæli á Austurvelli. Samstarfsverkið Tileinkun var gjörningur og innsetning tileinkað minningu þeirra stúlkna og kvenna sem voru líflátnar í Drekkingarhyl á 17. og 18. öld fyrir þær sakir að verða þungaðar og ala börn utan hjónabands. Verkið var flutt í og við Drekkingarhyl á Þingvöllum 5. september 2006 í tengslum við sýninguna Mega vott. Gjörningurinn tók 90 mínútur í flutningi og flutti hún það í samstarfi við nokkra listamenn. Rúri hannaði og bjó einnig til Kærleikskúluna sem kom út árið 2005. Hana nefndi hún Án upphafs – án endis og ræddi um að verkið vísaði til að kærleikurinn ætti sér hvorki upphaf né endi, hann væri óskilyrtur, óendanlegur og að hann sé líkt og fossinn sem rennur án afláts, hann er. Þess vegna sé hin fullkomna kúla hvorki með upphaf né endi, líkt og hnötturinn okkar, Jörðin er ein samfelld heild Birna Þórðardóttir (2005).